Herlaug og Gunnar

Fast fotfeste!

2011-01-09T15:47:00.003+01:00

Bilete frå snøvinteren i fjor.-

I går kveld køyrde vi nedover-bakke på berre klink-isen. Den som ikkje var skodd med piggar på den strekninga, kunne kanskje oppleve litt svingom. -
Glad for at eg hadde ordna meg med piggar til skotøy, kunne eg i dag også ta ut på spasertur på holkete føre. Om eg så hadde dutte, ville piggane ha hjulpe meg opp på ny! Men kva om eg ikkje hadde hatt godt feste til den turen i dag? Eg kunne neppe lagt i veg!
Så viktig det er å"sko seg rett" slik at ein har eit feste i livet! I enn kva som skjer, har eg då ein trygghet. Har eg festa min lit til Den Allmektige, vil eg kome til å reise meg etter eit fall, - for Han er med!

Skyggen!

2011-01-09T15:40:00.003+01:00

HAN er min skygge ved min høgre hand. Alltid. Også når eg ikkje ser Han.

(Eg trudde eg hadde oppdatert bloggen tidlegare i dag, men eg hadde klart å ikkje lagre, så nå prøver eg meg på ny!

Til Kina!

2009-08-30T17:37:00.003+02:00

Så er Camilla og Sindre reist til Kina. Det blei ei fin familie og vennehelg i Oslo sist helg i den forbindelse.

Utsendelsen frå Storsalen, sundag kveld, vart ei sterk og fin stund.

Vi minnes jan. - 80, då vi sjølve tok farvel med familien for å dra til Sør - Amerika. Heldigvis er verden blitt mykje "mindre" sidan den gong.

Er blitt stoppa opp for den enkeltes verdi. Er så takknemleg for at vi har ein stor familie, slik at vi fortsatt har nokon vi kan treffe litt oftere enn dei som har reist....

Men likevel, om vi har alle dei andre, kan ingen erstatte "Camilita og Sindre. Det er berre dei som er dei. Kvar og ein er uerstatteleg for far og mor/svigers. Ingen kan erstattes. Kvar og ein er unik!

(No er det heldigvis tidsbegrensa, - fire år, - og imellomtida besøk, - så vi skal ikkje syte for mykje! Og skipe hjelper!)

Slik er det med han som har så mange, mange også........ingen kan erstatte den som "reiser bort" frå han. Ingen kan fylle ein annen sin plass. Fordi kvar og ein er unik! Sjølv om han er like glad for og i alle dei han har, er han akkurat like glad i den som har tatt avstand frå han, - og han er på leit etter den som forvillar seg bort!

Plukke plommer!

2009-08-13T19:12:00.002+02:00

"Kom og plukke plommer

I Guds store kjærleikshaust

Jesus inviterer

Solmogne plommer sit laust

Sjå kor tungegreiner

Duvar over deg

Vi skal plukke plommer

Saman, du og eg..."

Dette syng "Skruk" og Katia Cardenal medan eg skriv no
Det er ein nattverdsang i "Misa campesina", messe for Kari og Ola...som er ei aldeles nydeleg plate...som har sitt utspring i messe for bønder i mellom - amerika....

Det er første hausten at treet vårt har gjeve oss så mange plommer. No går vi allereie og kosar oss, - og let dei vel helst ikkje få mogne tilstrekkeleg! DET er viktig! La oss ikkje "hauste inn", og rive av før dei er mogne, - kanskje kan det få konsekvensar?

Lilja vår sto så vakkert og gledde oss på dåpsdagen til Hannamaria!

Ei herleg lilje er vesla, -til glede for alle!

(Bileta er tekne for få min. sidan.)

Livet på Bjoa!

2009-08-13T18:16:00.003+02:00

Prøver å komme i form. Her er vi på "Hovda", ein "nut" på Bjoa som det er ein liten passeleg kveldstur til. Elles går vi på "Kyrkjenuten" som ligg rett ovafor oss, - den tar det ein ca. halv time å bestige!

Elles har noken av våre lært ho "gamlemor" å trimme "intervall", - så ho spring som ein gal iblant!

Begynt på arbeid har eg også, - to veker nå, - eg har ein god arbeidsplass!

Ligger på spikermatte også, - så mangt nytt å berette!

Elles har vi siste tida hatt mykje besøk av våre, - og kosa oss masse!

Høydepunkt:

Dåp for vesle Hannamaria Elena hadde vi på sundag her heime! Ein strålande dag, - med eit nydeleg dåpsbarn! Godt når dei små vert lagt så fullstendig i Guds famn!

"Då sa Jesus: Lat dei småborna vera, og hindra dei ikkje i å koma til meg, for himmelriket høyrer slike til." Matt.19.14.

Regnbuen!

2009-07-23T12:12:00.004+02:00

Eg er litt overtroisk anlagt av meg!-

Under regnbuen ber eg, - Frelse, helse og så drister eg meg til eit konkret bønneemne!

Regnbuen minner meg alltid på løftene! Dei svikter ikkje!

På "fjellet" mellom Bjoa og Ølensvåg er det fred å finne! Ein sein kveldstime fekk eg farten opp som om eg var med i eit løp, freden forsvant - det brølte inni skogen, ein lyd eg aldri før hadde merka meg. Det var nok hjorten som syntes det var for seint for to - beina å vandre ute!

"Avlessingen" sto det på eit skilt vi kom til rett etter brølet der redselen tok eit tak! Gunnar peika på det for meg. - Og sant nok, - "lesser vi av litt" der frykt for ting høyrer heime, hos Han som satte regnbuen på himmelen, lever vi så mykje betre!!!

Himmelen gløder!

2009-07-09T23:18:00.003+02:00

I kveld gløda himmelen i solnedgangens time, - så sterkt , at eg mest ikkje veit om eg har sett det så mektig før!

"I den tause midnattstime og ved månens bleke skjær"

Ikkje akkurat blekt skjær i kveld,

men en taus midnattstime ...blei dette for meg...

"....jeg vil lytte etter lyden av Hans trinn".

Tidssone er ordnet!

2009-07-04T11:49:00.001+02:00

Såååå lett var det å få rett klokkeslett! Dei unge kan det meste!

Barnebarnet og klokkeslettet!

2009-07-04T10:44:00.000+02:00

Vårt herlege barnebarn!! Kan tru vi har kosa oss eit par dagar no i Telemark ved Tinnsjøen! No gler vi oss til ho og foreldra kjem til Bjoa i slutten av juli. Barnedåp hos oss den 9. aug.

Tenkte eg måtte la alle "mødre" få vite at eg faktisk sover litt om nettene eg og. Inklusivt meg sjølv, har eg merka at klokkesletta på blogginnlegga ikkje harmonerer med når eg skriv dei, - slik at det har fått nokon til å tru at eg ikkje sover, om nettene iallefall! (Det stemmer delvis dei siste nettene på Helligvær, for då måtte eg oppleve sola.)

Kva tidssone som har sneke seg inn på min blogg, veit eg ikkje! Skal få ein av mine fagkyndige i familien til å sjå på det!Klokka er no 11.20 på morgon!- Så bekymre dokke ikkje, - eg er ikkje oppe heile nettene!!! Verken eg eller vesla. Ho sover så godt, kan dokke tru!!

Heim til Bjoa.

2009-07-04T10:31:00.000+02:00

Så er vi flytta tilbake til Bjoa. Turen heim med hurtigruta var berre fantastisk. Og godt var det å få litt gode opplevingar etter ei heller tøff avskjed. Eit godt kapittel i livet ligg bak, med mange gode minne!

Sydentemperatur slo imot oss då vi ankom Bergen, for så å køyre det siste stykke heim.

Og slik som vi var vant til på Helligvær, løftar vi framleis blikket mot sola om kvelden, - og får oppleve at Bjoa er jammen meg nydeleg det også ein sein kveldstime. Bildet her er tatt frå huset vårt. - Men at det var sååå mørkt om natta, - det blei framant!

No består tida i å nyte sommarvarmen på altanen, og så inn att for å rydde, og rydde til! Eit flott bryllup fekk vi ta del i, berre dagar etter at vi kom heim. Linda Eiken var ei nydeleg brud, saman med sin staselege Christian frå Molde!

Akkurat no er vi i Telemark og nyter barnebarnet vårt. Er på farten heim att!

Ha ein god sommar fortsatt!

Midnattsol!

2009-06-19T17:09:00.000+02:00

2009-06-19T16:46:00.000+02:00

Dei siste nettene har vore aldeles nydelege. Det resulterer i lite søvn, men kven vil legge seg når sola skin inn gjennom stovevinduet heile natta!Camilla og Sindre som reiste i dag, har slik fått oppleve midnattsola på sitt beste.....det kjem nok noko på deira blogg ganske så snart,vil egtru!

Skuleavslutning i dag, sårt å bryte opp herfrifrå, vi er blittså glad i "den heilage plett" på jord, og ikkje minst i folket som bur her!

Ein liten epistel innimellom pakking og vasking!

Oppbrudd

2009-06-16T16:36:00.000+02:00

Ein kveld ved midnatt for vi to utpå fjorden, og utpå det opne hav. Det var blikkstille, sola gav sitt gjenskinn i sjøen, havørna opptredde for oss, og oteren dukka fort ned innved land.

I dag reiste Solveig og Jan, medan Camilla og Sindre er turistar eit døgn. Kjem att i morgon. Midnattssola har ikkje vist seg frå sitt aller beste i det siste, men S og J fekk sjå den godt mellom skyene i flotte perlemorfargar første kvelden. No ser det lyst ut for dei som er igjen, - idag, morgon?

Husvask står på programmet, og ikkje verst med besøk som tek del.

Så hopper vi ombord i hurtigruta med fullasta bil,natt til mandag. De skjønner,vi er blitt glad i den båten!

Ei blomehelsing.

2009-06-08T15:32:00.000+02:00

Ei blomehelsing til deg som ser desse vakre tulipanane. Vi var på ein fantastisk flott tur til Brønnøya i går. Der finnes det to fastbuande, - og så desse flotte blomane då!

Midnattsol.

2009-06-08T15:20:00.000+02:00

Fantastisk tid på Helligvær no.

Bileta talar for seg.

Midnattsol.

2009-06-04T00:14:00.000+02:00

Bilde er frå natt til i dag,3. juni.

Midnattssola i sin heilhet, startar 6. juni her hos oss!

Det er over midnatt no, og sola for for få sekundar sidan bak ei sky.....det er lyst heile natta.

Lys treng eg ikkje ha på i stova. Og eg skulle yngst eg heller ikkje hadde trunge søvn.

Utsikt frå huset vårt.

Er din plass tom?

2009-06-02T16:49:00.000+02:00

På den idylliske staden, Nyksund står denne stolen ledig.

Pinse i Vesterålen!

2009-06-02T16:23:00.000+02:00

Vesterålen, - også ein nydeleg plett på jord.

Bileta er frå Strengelvåg , i Øksnes kommune. Det ligg i nærleiken av Sortland, næraste by.

Sandstranda var eit syn, og ein god sommardag, må dette vere "syden" på sitt beste.

Fjellet du ser, er "Klo-tinden".

Bileta vert mørke når ein tek mot lyset, men det var lyst som dag, då vi vandra over midnatt. Midnattsola har gjort sitt inntog.

Regn ogvind prega denne pinsa, men vi var heldige som fekk oss ein god "gløtt" av sola natt til 1.pinsedag.

Vår "heilage plett" i solnedgang!

2009-05-25T12:51:00.000+02:00

Båten heim i går gjekk om Givær, øya, som ligg værhardt til. Vi sat oppe på dekk mellom Givær og Helligvær i går! Det var blikkstille!

Kaibilde frå "vår heilage plett" på jord.

Bilde fråsolnedgangen i går kveld.....

Her kommer bilde frå Tromsø - turen.

2009-05-25T12:46:00.000+02:00

2009-05-25T12:38:00.000+02:00

Bodø - Tromsø - Bodø.

2009-05-25T11:20:00.000+02:00

Får opp at p.g.a."intern feil" får eg ikkje koble opp bilde. Eg håpar eg snart får orden på det, - for endeleg skulle eg legge inn nytt innlegg.

Kr.himmelfartsdag satt vi oss på hurtigruta att, denne gong for å ta tur/retur til Tromsø. Eit fantastisk vær, og mange fine opplevingar. Sola er oppe døgnet rundt i Tromsø no, men skyene kom utpå kvelden når vi var der, så det"store bilde" derfrå har vi ikkje. Men mange andre flotte bilde, og difor kan turen best formidlast ved å koble til bilde.

Og som ikkje dette var godt nok, fekk vi igjen oppleve ein solnedgang av dei flotte i går kveld/natt her på øya. No manglar det berre dagar på at sola ikkje går ned for oss her, og ønske er stort om at sola vil vise seg frå sitt beste frå beg. av juni..

16.mai hadde vi også ein flott tur til Landegode, ei kjent øy mellom Bodø og Helligvær, og gjekk nesten to mil, att og fram, så langt vegen rakk, -i eit nydeleg landskap, med fjell, skog, hav og flotte strender. Havørna viste seg frå sitt beste, -og været var slik at andleta fekk litt for mykje av det gode til 17. mai.

17.mai. Toget var eit herleg skue, og det nyoppretta korpset gjorde ein flott innsats denne dagen.

Eit par dagar lånte vi skulebåten og tok oss ut til andre øyer i nærleiken og drakk kaffe!

Ja, været har berre vore heilt fantastisk, og opplevingane har vore deretter....

Så gjenstår det å sjå om eg kan få lagt ut bilde.......

Rorbuene i Nyvågar

2009-05-05T15:40:00.000+02:00

Kabelvåg

2009-05-05T15:34:00.000+02:00

Tatt frå rorbua, Nyvågar i Kabelvåg.

Meir Lofoten!

2009-05-05T15:21:00.000+02:00

Lofottur.

2009-05-05T13:33:00.000+02:00

I eit drømmevær, den 30.april, la vi ut frå land i Bodø med hurtigruta, Richard With. Sola frå den skyfrie himmelelen spegla seg i havet, og "hildringstimen" var eit syn verdt. Og medan vi nærma oss dei enda snødekte fjelltindane i Lofoten, var det ikkje teikn til rørsle i båten. Det var lite rørsle også blant turistane, for stilla som låg som ei respekt for naturopplevingane, kunne merkast. Kvar enkelt nytte denne turen som var er ei balsam for ei stressa sjel.
Like før Svolvær, møtte vi denne hurtigruta, som nok er av ein eldre utgave enn den vi var på. Dei helsa høglydt på ein annan når vi passerte.

Lofoten var like så flott og majestetisk som vi hadde forestilt oss, så eg skal sjå om eg får legge inn fleire bilde. Høgreiste fjell, vakre strender og det vide hav. Det var fiskegjel, fiskebåtar og fiskehavner og - fugleliv.....Det var bygder på dei mest utenkjelege stader, - nydelege rorbuer, - og, ja, det er ikkje noko å lure på, - du må berre ta turen å nyte det.....

Flo og fjære!

2009-04-26T21:54:00.000+02:00

Nokre veker sidan dette hende, - men berre eit tips om at vi må heim og over til andre sida, før floa kjem over oss.
Her i nord er det stor forskjell på flo og fjære, og spesielt ved påsketider kan det vere 3-4 meter i forskjell.
Heldigvis fekk vi bygd opp med store steinar, og rekveden kom godt med både som bru og stav.

Elles har vi hatt ei fin helg, der vi har vore på møter under årsmøte til Normisjonen, utan at våre venner heilt har fått oss til å "konvertere" til deira misjon. Vi var tre par som hadde hotellferie i Bodø i helga!
Det siste møte var i Bodin kyrkje i dag. Så om ikkje det var nok, reiste vi heim med båten klokka 17, der presten derfrå var med ombord, for så å ha gudsteneste i Helligvær kl. 19.15. Vår kyrkje ligg under dette prestegjeldet.Vi rakk ikkje gå heimom (jo, Gunnar for heim med bagasjen), og reiste så med skyssbåten til kyrkja. Så for andre gong i dag, fekk vi høyre om sauene som treng ein hyrding......
Ei fin avslutning på ei møtehelg, der vi var tolv disiplar som låg rundt altarringen og fekk ta imot Guds Nåde, synleg, av ein Herrens tenar!

Barnebarnet igjen...

2009-04-18T21:08:00.000+02:00

Klarer ikkje halde meg. Må legge inn eit bilde til!

Her ligg vesla i sin mjuke, varme og nydelege pose som blei til ei felles - gåve frå Helligvær/Tinn.

Skinn frå villsauene på Helligvær og arbeida til eit flott husflidsprodukt i Tinn!!

Gud velsigne deg, og mor og far!

Veslejenta!

2009-04-16T19:20:00.000+02:00

Etter å ha forstått at det er heilt i orden, og at det berre er koseleg at vi vil legge inn bilde av vårt nydelege barnebarn, - gjer eg det!

Det er den vesle som opptar oss aller mest for tida, det er ingen vårblome som er så flott som henne!

Eit under så stort!

Takk til Skaparen!

Naturopplevingar i kø.

2009-04-15T22:44:00.000+02:00

På tur langs stranda i dag, fann vi raudsildra, eller berg - gull som den vert kalla her, i full blomst.

Solnedgangen i kveld har vore eit fantastisk skue. Først sto himmelen i "full flamme", for deretter å mildne i fargane. Først no kl. 11 forsvinn dei nydelege fargane, men enda står himmelen som eit lyst belte i vest.

Eit solskinnsbarn?

2009-04-15T19:39:00.000+02:00

"Gud vil

eg skal vere

eit solskinnsbarn

å lyse...."

Nei

Gud

du vil

eg skal vere

- den eg er -

å lyse...

I sinne

i gråt

i solskinn

å lyse....

for Deg!

Forrett!

2009-04-14T11:33:00.000+02:00

Det blei reine storfesten med denne forretten, bayonneskinke til hovedrett, is og varme bjørnebær til dessert på Kjelsås bedehus i påska.

Ikkje verst å ha familie som disponerer eit heilt bedehus!

Og ha ein heil familie som lagar til fest for ein! Og ikkje var dagen med ein 0 i heller, berre midt i mellom!

Men kjekt var det. Ho "gamlemor" gjorde ikkje anna enn å ete, - og det kan ho,- kanskje det er ein av grunnane til at ho ikkje legg ut bilde av seg sjølv så lett?

Denne retten var det visstnok dei to minste håpefulle som klarte å få så fint til. - Dei som lurer på kva vi elles foretok oss på ein fest på bedehuset, så vart det ikkje dans denne gongen, men kortspel! Og dei som kjenner Norenesfamilien kan gjette at det var "canasta"!!!

Eg skal ikkje nemne på kven som ikkje likar å tape, det vert for familiært i ein slik blogg!

Elles er det fint å vere tilbake på Helligvær att og, men vi var lenge nok i Oslo til at vi no får kjenne på besteforeldrerollen. Og den er god, kan vi berette!!!

Og er det nokon som lurer, så er vi besteforeldre til verdens skjønneste jente!

Hoggorm!

2009-04-12T14:10:00.000+02:00

Denne møtte oss på veg ned frå Ullevålseter, påskeafta. Rett etter fekk vi auga på ein til, - så pass opp for solholer allereie i april!

Det var forøvrig ein fin tur vi hadde saman med Camilla og Sindre. Nydeleg å sitte å drikke sjokolade m/krem, i solveggen, etter oppstigningen dit.

"Se, jeghar gitt dere makt til å trå på slanger og skorpioner og over alt fiendenes velde, og ingen ting skal skade dere." Luk. 10.19.

Vi koser oss framleis i Oslo saman med barnebarnet som berre er heilt herleg!!!

Blåveis!

2009-04-12T13:49:00.000+02:00

Dette nydelege synet møtte oss langfredag då vi vandra oss ein tur i snøen, i sko og støvlar, i Drammenstraktene, medan andre susa forbi oss på ski. Den sto skjerma ved foten av eit tre, med snø rundt seg.

Jo, våren er komen!!

"Visst skal våren komme,

visst skal jorden bli ny......"

Fortsatt god påske!

Stolte besteforeldre!

2009-04-09T16:21:00.000+02:00

Ja, no er det skjedd! 1.april kom jenta til Eline og Lars Kristian, og vi er stolte besteforeldre! Eg overlater til foreldra sjølv kva dei vil legge inn av bilete, - men eg kan fortelle at ho er aldeles nydeleg, eit nydeleg produkt av Gud, med hjelp av to flotte foreldre. Akkurat no skrik ho i bestefar sine armar. Vi er i Oslo og koser oss samen med den lille og heile "barneflokken".

Har vore ein tur på Vestlandet og, og sett om våre der.

God påske!

Fiskaren!

2009-03-19T13:42:00.000+01:00

I dag har eg klart det utrulegaste! Eg fekk ein mail med dette bilete på, frå sjølvaste Røst, - og no har eg fått det over på bloggen! Men korleis gjorde eg det mon tru? --

Dette er altså eit skikkeleg fiskarbilete!

Og er han ikkje fin, - fisken altså?

Bygevær!

2009-03-18T20:58:00.000+01:00

Så har vi hatt bygevær! Her passerer det nord for øya vår! Skyene i øst!

Fiskaren er heimkomen, og gjett kva kan snakkar om? Det er fisk og atter fisk, fisk på opptil 20 kg. og alle dei tonna dei fiska opp av havet! Også om all den gode maten han åt ombord i sjarken! Snakkar lite om all den gode maten han sjølv "gav til fisken" - heldigvis, - det er nesten glømt.

Fiskarmiljøet opplevde han fint, - og fiskarheimen var visst ein "oase" å kome til for ein fiskar.

Skal sjå om eg får han til å skrive litt sjølv.

Hurtigruta!

2009-03-18T20:47:00.000+01:00

Visste du at det går an å besøkje hurtigruta mens den ligg i ro eit sted?

Frå kl.13 - 15 ligg den til kai i Bodø, før den drar vidare nordover.- Middagen der er nydeleg , - var det "sesampanert flyndre" det heitte, mon tru?

Og vi måtte jo titte litt ombord elles og! Kanskje kan det bli eit havstykke på oss på veg heimover til sommaren? Vi får no sjå!!

Vinter på hell.

2009-03-18T20:36:00.000+01:00

Vinteren er på hell, på Helligvær. Før helga var det slike "snøfigurar" å finne, men elles bart. Båten er til stades "over alt".

Men faktisk ligg det i dag et lett lag med snø att på øya.

Lofotfiske!

2009-03-09T23:32:00.000+01:00

Mannen i huset er altså på Lofotfiske! Kor mange fiskar han mata i dag, veit eg ikkje! Eg synes litt synd i han. - Men han kom seg no på dekk etter kvart og fekk den store opplevinga det var å sjå båten bli lasta med minst eit tonn fisk. - Fisken vart dregen opp med "Juksa", ein etter ein. Ein fiskebåt har ofte fleire "jukser", - det er maskinar.

Større båtar fiskar med garn eller snurrvad. Ein snurrvad er som ei not ein snurpar saman. Dei får ofte opptil fleire tonn dagleg.

No kan eg få fiskarane på "nakken", for det kan jo hende at eg ikkje har klart å oppfatte alt rett, - men prøver etter beste evne å lære litt "fiskarspråk".

Fiskarheimen, Havly, var ein fin stad å besøkje i helga, forsto eg.

Ja, eg unner mannen min denne "gutedraumen" å vere fiskar!

(Men berre for ei tid, -eg klarer meg ikkje utan han altfor lenge.)

(NB. Og bilete er IKKJE frå Lofoten. Det skulle det jo vore, men diverre er ikkje "bloggaren" der....Skal prøve få fiskaren sjølv til å fortelje frå fiskaryrket sidan.)

Måneoppleving!!

2009-03-09T22:27:00.000+01:00

Skulle jo hatt eit anna kamera i slike kveldsstunder.

Aldeles nydeleg å gå heimover i kveld i den kalde vind.....

Eg kan ikkje la vere å dele det med deg.

(Trykk gjerne bilete i stor størrelse.)

"Herre, som du har gledet meg,

med ditt verk har du frydet meg.

Underfullt er det verk som du gjorde,

Du, den, mektige konge vår store.

Ja, jeg jubler over verket stort,

over alt Du har gjort.

Herre, Kristus, takk for gjerning stor!"

(etter salme 92.5.)

Kuling og tørrfisk.

2009-03-08T22:40:00.000+01:00

Stormfullt langs stien på østsida av øya i dag. Vinden skyvde oss til sides og fram, kuling, men om det var liten, stiv eller sterk er eg ikkje sikker på....vil tru sterk! Det tok lang tid før den raude kinnfargen forsvant etterpå, friskt og godt, ser du!

Syntes berre du måtte få sjå vårt "fiskegjel" også, som eg skreiv om tidlegare!

Eg har nok fått "bloggedilla", men det avtar vel etterkvart. Det er enda så spennande dette med å gje ut inntrykk av denne "heilage øya"!

Rutebåten!

2009-03-07T16:16:00.000+01:00

Rutebåten!

Eit vakkert syn kvar gong. Den er knytepunktet mellom øya og fastlandet. Den gjer sitt til at ein kan arbeide i byen. Pendlarruta går 06.20 om morgonen. Elles går det dei fleste dagar båt kl. 09.40 til byen. - Dei fleste dagane, går det båt frå byen både morgon, ettermiddag og kveld.

Ha ei god helg!

Fisk frå Røst!

2009-03-07T16:00:00.000+01:00

To fiskebåter er nettop komen inn til havna frå Røst. Så her på denne kaia sto mannfolka og tok i mot båtfolket med opne armar.Dermed vart det meir enn i eit hus det var fersk fisk i går. Eg vart beden til våre gode venner på fiskemiddag etter at desse båtane var komne, og hald seg fast: Kokt skrei (torsk), lever, rogn og mølje! Mølje er ei blanding av flatbrød, honning, leverfett...ja, veit ikkje alt, kanskje tar eg feil, men ei "mølje" var det no, - som faktisk smaka godt!!

Havørna.

2009-03-07T15:43:00.000+01:00

Såååå nært flaug havørna over meg i går. Ei oppleving kvar gong.

"Men de som venter på Herren, får ny kraft.De løfter vingene som ørner. De løper og blir ikke utmattet, de går og blir ikke trette." Es.40.31.

En hyggelig prat Kr. 0,-

2009-03-03T18:45:00.000+01:00

Må alle like deg?

Kva har du att
å streve
for at alle skal like deg?
Ingen er tent med
mange
som vil
sluke seg opp

det vert stress ut av det

Vær deg sjølv
stå for det du seier
stå for det du gjer

Kos deg
med dei
som verkeleg
er dine venner,
som liker deg
akkurat slik du er!

(Bilete: oppslag på butikkveggen på kaien.)

Tørrfisk og Lofotfiske.

2009-03-03T18:24:00.000+01:00

Her er tørrfisken "hausta inn". Den sto på glattisen borte ved kaien i dag.

Vi har to fiskar hengande på klessnora vår, og ein på bodveggen, så det er ikkje fullt så mykje som dette som kjem frå fiskegjelet.

På fredag kom det "rekande" ein stor "skrei",torsk, på døra vår! Den var kome frå Lofotfisket, frå Røst. Det var berre aldeles nydeleg! Fleire middagar har vi to av den.

På fredag skal Gunnar på Lofotfiske, til Røst. Der ligg det ein fiskar og ventar på han. Han gler seg enormt til å få med seg denne opplevelsen.

Værobservatører på Helligvær.

2009-03-03T17:55:00.000+01:00

Våre venner her, har jobben med å "lese skyene", dei er værobservatører!Dei melder fire ganger i døgnet, natt som dag, korleis skyene ser ut. Er dei lave, mellom eller høge......og kva type skyer innafor desse felta er det?
Det kan f.eks.vere bygeskyer når dei er lave.

Denne vi ser på bilete her, må vel tyde ei snøbyge?

Ja, snø har vi hatt gong på gong gjennom vinteren. Den ligg gjerne ei vekes tid, men vinden er sterk og snøen blæs bort. Ofte er vegdekke dekka med is, som i dag. Det går mest ikkje an å gå på vegen enkelte steder. Vaktmeistaren strør, men det er strekningar det likevel er litt sparsomt av det. Eg veit eg skulle ha anskaffa meg broddar for lengst. - I går og i natt regna det meste av snøen bort, - og vegen vart isete, svært isete.

Å vere menneske!

2009-02-19T16:44:00.000+01:00

Å vere menneske!

Båt
på stille sjø
skyfri himmel
kaffikopp
i det
fri
- alt er
harmoni
- rundt meg.

Båt
i oppskaka sjø
mørke skyer
kaffikopp
mørk og
beisk
- alt er
kaos
- i meg.

Takk
eg har det bra
det skrik
- i
- mi sjel!

(etter katino)

Vinter!

2009-02-14T16:14:00.000+01:00

Inn mot "Godtkrokan". Sykkelen er i bruk, sommar som vinter.

Her er nye, flotte hytter som vert leigt ut!

Her drister fotografen seg til endeleg legge ut eit bilete av seg sjølv.....dog som skygge.

Solfylt vinterdag!

2009-02-14T15:50:00.000+01:00

Når det ikkje er bil å plassere i vegkanten, er der plass til båten!

Fiskegjelet er eit ynda motiv for meg, - men lukta som dunsta derfrå i dag, kjem diverre ikkje innpå bloggen, og er heller ikkje like ynda.

Det er ikkje berre fisk som heng til "tørk" på fiskegjelet. Kråkene som eg trur i dette tilfelle ufrivillig har kome hit, heng heilt bokstaveleg talt som fugleskremsel for sin eigne.

Flytebrygga er i mange etapper, så slik får vi foreviga fiskegjelet frå langt ut i sjøen.

Tryggleik!

2009-02-13T21:41:00.000+01:00

Tryggleik.

Vi går heimover
det er midnatt
ein pusekatt kjem
følgjer oss heim
heilt til trappa -
det er så stille
så fredfullt
kjenner oss så trygge i denne hamna
det kjennest godt

Tryggleiken
til å ta og føle på
kva om eg hadde gått heim
midt på natta
i byen - -
kor eg skulle yngst at alle kunne få kjenne på dette
å bu på ei stille øy
tryggleiken
på ein fredfull plett

Ein dag
skal du få kjenne det
om du ønskjer
men du må la Han
som styrer verden
og den freden som kan herske på ei øy
få lov til å styre deg fram -
slik at du ein dag
kan kjenne den freden som det er i
å kome til ei stille hamn….

2009-02-13T21:40:00.001+01:00

Vinter!

2009-02-10T18:18:00.000+01:00

Det blæs godt. For øyeblikket er han sterk kuling, 19,9 m/s. Klokka 22 i kveld vert han til liten storm...

Ikkje det at eg er så enormt opptatt av vær og vind altså......!?

I går ettermiddag kom vi heim med rutebåten frå byen, og snøføyket slo imot oss då vi kom til kai. Det var allereie danna fonner i vegen.Men ein meir behageleg båttur enn den vi hadde skal vi vel leita godt etter no vinterstid! Men den sure vinden slo mot oss på vegstubben heim til "prærien".

Dette bilete er teke i dag.

Laber bris, 7,7 m/s og - 5 grader.

2009-02-07T13:54:00.000+01:00

Gjett kven som er flittig brukar av yr.no for tida?

Det er KALDT i nord. Sjøen frys, flytebrygga frys, men sola sender ut sine stråler så godt ho berre kan! Havørnene trossar vær og vind, og fleire av dei vinka til meg i det eg skulle inn i huset: "På gjensyn".

I dag har sanitetskvinnene (inkl.eg) vore i "skogen" (les "prærien) og skore av greiner til fastelavnsris. Det finnes altså på øya.

God helg!

Firhjuling!

2009-02-06T13:41:00.000+01:00

Slik har damene det på Helligvær!
Heim etter føremiddagskaffi hos meg i dag! Så dette er eit skikkeleg ferskt bilete!

(Til opplysning: har fått lov å legge inn dette bilete av tre flotte damer.)

Fyrlyset.

2009-02-05T13:46:00.000+01:00

Etter sleipner - ulykka i år 2000, er det satt opp ei rekkje med fyrlys i området. Trur det er ca. 30 av dei, og det kan trengast mellom ca.365 øyer, holmar og skjer. Vi ser eit av dei frå oss. Dette er teke frå "sentrum".

Fiskegjelet og kulde!

2009-02-05T13:25:00.000+01:00

Eg tok bilete gjennom fiskegjelet då eg tok meg min vesle trimtur til "Godtkrokan" i dag.

Men korleis fingrane mine fraus i dette øyeblikket, det kjem ikkje fram på bilete. For med liten kuling på ca. 11 m/s frå aust, samt kuldegrader på -4, var det rett og slett ikkje noko for naken hud. Men, det var kun andlet og fingrar som fekk kjenne det og, for varmedressen holdt kulda ute!

I dag skulle eg ha lagt inn eit bilete av nordlys, kan de skjønne! Men det vart ikkje foreviga i går kveld. Eg var på veg heim i halv 11 tida om kvelden, då himmelen lyste opp, både her og der, av flotte nordlys, så nydeleg som eg ikkje har sett dei før. Dei bar preg av eit lite grønnskjer. Dei bevega seg fort, og laga mange formasjonar. Det er eit syn verdt, trur alle bør ha seg ein vinter i nord!
(Trykk gjerne for å sjå bilete i stort format, då får du eit skikkeleg innblikk i tørrfisken...Fisken er altså ikkje salta, berre hengt til tørk.)

Utsikt frå huset vårt.

2009-02-04T15:42:00.000+01:00

Noko av utsikta frå huset vårt, - bortover mot kaiområdet!Sjøen snik seg oppover mot huset, alt etter flo og fjære.

Litt av bebyggelsen!

2009-01-31T14:26:00.000+01:00

Litt av bebyggelsen på Helligvær i soloppgang!

På stranda!

2009-01-31T14:17:00.000+01:00

Vi rusla bortover ei strand og satte fotspor i sanden..... Landegode i bakgrunnen.

Dekorativt!

2009-01-31T14:13:00.000+01:00

Utruleg korleis lyset får til dei flottaste dekorasjonane på himmelen!! Også dette i morgontimane!

Frukost!

2009-01-31T14:01:00.000+01:00

Slik ser "Oluf på Helligvær" ut!

Soloppgang, utsikt mot Bodø.

2009-01-31T13:32:00.000+01:00

Her inntok vi "frukosten" i dag, ved "storavatnet". Himmelen var så nydeleg i sine perlemorfargar i morges, så vi gjekk opp i haugane og kom dit når sola sprattt fram.Ikkje det beste å ta bilete mot lyset, men bileter må berre takast!

Å få sitte slik å berre nyte Guds skaparverk er fantastisk! Det kan kjennast som om det berre er Gud og barnet som er til stades i verda!

DEN EINE!

Av og til
Gud
oppfører eg meg
som om
det berre er
meg
for Deg
i heile verda

Av og til
Gud
fortel eg til Deg
dagen lang - natta lang..
som om
Du ikkje har andre enn
meg
i heile verda

Av og til
Gud
spør eg deg om
mange småting - mange store ting..
som om
Du ikkje har andre å hjelpe enn
meg
i heile verda

Alltid
Gud
oppfører du deg
fortel du meg
spør du meg
som om
eg er
den einaste
for Deg
i heile verda

Januarhelsing.

2009-01-28T11:09:00.000+01:00

Stille hav, sol og kaldt vær. Folk ruslar forbi "huset på prærien" på sine trimturar, og innover hit til "Godtkrokan".

Då floa var på sitt sterkeste for ei tid sidan, sneik sjøen seg langt innover land enn det normale, som her på bilete.

No må eg kome meg ut! Vind er her nok av elles!

Vinden!

Nokre timar kjem han frå
øst
før han dreg mot
sør - øst.

Han vender så om
nord - nordvest.

Vinden er så lunefull,
snart er han berre
vest.

Det dreg så mot sør - sørvest
og dreier til vest - sørvest.

Vind og menneska er lure
og gjer meg
litt
sure…

Eg kan ikkje stole på
om eg ”bølgja” vil få.

Du, er stabil
godt at du er til

Du kjem fram
gang på gang:

”Du kan ta det med ro,
vi skal klare oss på havet

vi to.”

(På øya ute i havgapet.)

Himmelen på Helligvær!

2009-01-18T13:52:00.000+01:00

"Soloppgang" på Helligvær, 18/1 - 09. - Gunnar var ute i dag tidleg og foreviga desse syna! (Også bilete under.) Er det ikkje nydeleg?

"Solnedgang", ca. kl. 14.00, 15/1 - 09.

SOLA!

2009-01-15T23:23:00.000+01:00

Må berre fortelje at eg såg "den gule, runde" på himmelen i dag! Og det i eit syn over "fjellan" då vi hadde lagt ut frå Bodø med hurtigbåten i dag. Det var eigentleg fantastisk.
Då eg gjekk av på kaien heime i 14 -tida, og rusla bortover til "huset på prærien", såg eg atti solnedgangen i vest. Og det synet foreviga eg! Så no skulle eg hatt ein som kunne lagt inn bilete rett frå kamera for meg. Kanskje kan eg få hjelp til dette i morgon, - då skal du få sjå noko fint!

Det går opp for meg at dette med at sola kjem tilbake, er noko enormt stort i nord. Dei skipar gjerne til "solfest" og Avisa Nordland skriv og intervjuar folk om korleis det er når sola kjem att......og det etter berre ein månad borte.

"Sola er god, sola er toppen...." det var vel Børudgjengen som song den i si tid.....
........."Sola i NordNorge er best synes jeg".........

Landegode.

2009-01-14T20:22:00.000+01:00

Mange har aldri høyrt om fiskeværet, Helligvær. Men "Landego" derimot, har mange høyrt om. Det ligg med sine mektige fjell mellom Bodø og Helligvær, og er eit prektig syn for auga.

Dette bilete er tatt på kan hende den flottaste dagen vi hadde i haust. Vi hadde denne dagen reist til kyrkje i fiskebåt, og etterpå drog vi vidare til denne øya, Vetterøy, og gjekk oss ein tur og rasta i det fri. Der sat vi i "høyden" og såg utover eit blikkstilt hav og utover på øyer, holmar og skjer. Sola skinte frå skyfri himmel!

Vi vinka og til presten som var på veg heim til Bodø i sin seglebåt. Og vi var like i nærleikan av ørnerede!
- Ja, havørna har vist seg for meg i dag og! Det er eit flott skue kvar gong!

"Huset på prærien".

2009-01-14T20:08:00.000+01:00

"Huset på prærien", kor vi bur. Det er ein tomanns -bolig, vi bur i næraste leilighet. Det er ein kommunal bolig, til utleige for slike som oss.
Bilete er tatt på vegen til "sentrum", kaiområdet.

I dag har sola vist seg for folk på øya og! Og ute er snøen atter komen! Ungane er ute og kosar seg, dei akar ned på vegen, og ligg rett i vegen.....ikkje store faren for biltrafikk!

Det er vindstille for øyeblikket, stjerneklart og nydeleg. Bilete skulle jo vore med snø då!!!

Skyssbåten!

2009-01-13T23:00:00.000+01:00

Skyssbåten på veg til kyrkje, 1.juledag!

Vi var med 3. skyss denne dagen, då båten tar berre 18 personar om gangen. Så då kan de tenkje dykk at av ca. 90 personar, var det en stor % av øyas befolkning i kyrkje! Noen betre?

Denne båten går mellom øyene i samband med at rutebåten til byen, går og kjem.

Bilete frå "Godtkrokan".

2009-01-12T22:10:00.000+01:00

Dette er til vegs ende nord på øya. Utover at det ligg båtar ved flytebrygga, ligg ein del fiskebåtar ankra til venstre for bilete her.

No i vinter er det også sett opp eit par fiskegjel på denne staden som fotografen tar bilete i frå.

Bilete av gjela, kjem kanskje siden.

No har eg klart dette, - heilt aleine, - så kanskje kjem dte snart eit bilete til!

Ha ei god veke!

Kyrkja på Helligvær!

2009-01-12T21:23:00.000+01:00

Hei!

Med hjelp over til telefon av Sindre no, klarte eg faktisk å få inn eit bilete av kyrkja på Storsørøy i Helligvær. Kyrkja var eit bedehus tidlegare, og i fjor var det 100 år sidan den vart omgjort til kyrkje. Då fekk Gudshuset tårn og sakresti. Kyrkja er i dag ei litt "heimekoseleg" kyrkje med m.a. gardiner i kyrkjerommet.

Det blæs godt fortsatt her i nord, og vannstanden er høg. I helga var floa ganske mykje over normalen, og det merkast godt her vi bur, ikkje langt frå sjøkanten. Vatnet steig, og vi var ikkje mange metrene frå sjøen, nei.

Elles skal sola ha kome tilbake etter at den har vore borte i ein månad, seies det, men ho har ikkje helsa på oss enda. Sola går forøvrig ikkje heilt ned i horisonten, men bak fjella gøymer ho seg i ein månad for oss "Helligværingar". Ville no gjerne opplevd fullstendig mørketid, eg då, men då måtte vi ha fore lengre nord!

Ha det bra så lenge!

Godt Nytt År!!!

2009-01-02T18:59:00.000+01:00

Godt Nytt År!
1.nyttårsdag! På tur opp til værstasjonen med utsikt mot nord. Du kan kanskje skimte kyrkja ute på ei øy!
Snøen er atter komen til Helligvær! -
Så vart Helligvær satt på "kartet" natt til nyttårsafta! Den sterkeste stormen herja akkurat hos oss om natta, oppi orkan,38m/s. Solveig og Jan låg i 2.etg. i hytta i ""Godtkrokan" å vaia. Minna Solveig om jordskjelv.
Vår venn, Karstein og sonen låg på alle fire på flytebrygga og såg etter båten. Vi to "gamle" og David streva oss mot vinden etter å ha fylgt dei unge til hytta. Vinden stansa oss så og seie opp.

Solveig hadde seg ein båttur saman med vår venn i dag i ein liten "påhengs". M.a.fekk ho sjå ørnerede frå sjøen. Fisketur vart det ikkje på henne, båten kunne ikkje drive i dag.-

I morgon vert vi atter aleine her på "været". Då har vi faktisk tenkt oss på hyttetur sjølv, - heilt til "Godtkrokan". Hørtes ikkje det kjekt ut?

Opplevelsane står i kø for Solveig i dag! No kom ho springande inn: "Det er Nordlys"! Den sto som ein "bue" over himmelen!

God helg!

Jul på Helligvær.

2008-12-27T22:00:00.000+01:00

Kor vi har kosa oss!
Alle borna/svigerborna kjem og reiser heile jule/nyttårshelga.
Det har vore fisketur med havørna seilande rett over hovudet, snø og is og regn....og vind! Vi har vore på adventsamling på helsehuset.Vi har vore med skyssbåt til kyrkja på Storsørøy 1.juledag der m.a. Hannah Eline og Lars kristian song og spela "Hellige natt" på høgtidsgudstenesta! Vi har gått att og fram på øya,- tar ca. ein time, - og vi har vore strandvegen og gått opp i heiane og nytt utsikta derifrå. Då ser ein alt, - over til Bodø (men det var ikkje sikt i dag), ut mot havet, mot Lofoten og øyene rundt. Vi har kosa oss med gløgg ute i det fri i ly for vinden, og vi har vore i "familieselskap" hos gode venner!

"Ungane", utenom minstemann,søv i ei hytte i "Godtkrokan", ti min. å gå, mens vi elles held til i "huset på prærien", der vi har vår heim no. Huset er ikkje så stort, så difor leige av hytte.

Jul, med god mat, tv.titting, spel og god prat. Vi har det godt! Fortsatt god jul!!!

Helligvær.

2008-12-27T21:09:00.000+01:00

Gunnar og eg (Herlaug) bur eit skuleår på Helligvær. Det er ei øygruppe, fiskevær, ca.3 mil rett vest frå Bodø. Det er eit øyrike beståande av ca. 365 øyer, holmar og skjer. Det bur vel 90 menneske på Helligvær. Vi bur på hovudøya der det både er butikk, skule/barnehage og fiskemottak! Meir treng vi ikkje. - Gunnar jobbar på skulen som lærar, og eg får lov å vere heime å lage middag til maen og gå på butikken å handle. Det er godt å få lov til å "senke skuldran" for ei tid!

Dessutan kosar eg meg med å skrive litt, så kanskje kjem det ein liten "epistel" innpå bloggen her!

Dette er ein vidunderleg stad! Vi kjem ikkje lengre på at vi skal i bil når vi skal nokon stad, for det skal vi jo ikkje. Det er vel tre bilar på heile øya, og nokre få traktorar. Når vi skal frakte mykje varer heim frå kaien, låner vi oss ei trillebår, slik er den suta løyst. Når vi skal til byen, er det i båt, - men mellom klokka 15 på laurdag - kl 18.30 på sundag må vi halde oss i ro, om vi ikkje har fiskebåt eller anna båt å kome oss avgarde med. Og det har ikkje vi!

Men vi har så mykje meir! Vihar havørna, vi har nordlyset, mørketid og midnattsol, - flotte menneske rundt oss, og så har vi kvarandre.

Så Ønsker vi GOD JUL til den som måtte kome over dette! Herlaug og Gunnar.